Tideman-moordenaars kry lewenslank
2010-09-03 17:16
Pretoria – Die drie mans wat ‘n Duitse ingenieur sowat vier jaar gelede “ongeërg en koelbloedig” voor sy vrou vermoor het, is Vrydag in die hooggeregshof in Pretoria tot lewenslange tronkstraf gevonnis.
Regter Sulet Potterill het Elliot Calvin Ranape (25), Lucas Velly Sefoka (30) en Thabo Mamagobo (26) tot lewenslange tronkstraf gevonnis nadat hul die 66-jarige Sven Tideman in sy huis in Rietondal, Pretoria in Augustus 2006 vermoor het.
Hulle is ook gevonnis tot 18 en 23 jaar tronkstraf vir roof en die onwettige besit van vuurwapens en ammunisie. Hulle sal dié vonisse gelyktydig uitdien.
Regter Potterill het in ag geneem dat Sefoka en Mamagobo eerste oortreders was en dat hul reeds twee jaar in die tronk spandeer het tydens die verloop van die hofsaak. Hy was egter van mening dat hul die swaarste straf verdien.
Volg Nuus24 op Twitter.
- SAPA