Tenderbedrog: Block kry borgtog
2010-11-10 11:25
Kimberley – Noord-Kaapse ANC-leier John Block, wat vir beweerde tenderbedrog in hegtenis geneem is, is Woensdag borgtog van R100 000 toegestaan.
Landdros Lance Roach het Woensdag in die Kimberley-landdroshof gesê dat Block vrygelaat kan word nadat hy die borgtog betaal het.
Sy medebeskuldigde, die sakeman Gaston Savoi, het ook borgtog van R100 000 ontvang.
Block is verlede Donderdag saam met agt ander persone, insluitende Savoi, in hegtenis geneem. Hulle word van bedrog van sowat R122 miljoen aangekla.
Die saak is tot 18 Maart uitgestel.
Volg Nuus24 op Twitter.
- SAPA