Taxibestuurder dood in padwoede-aanval
2010-01-02 00:14
Johannesburg - ‘n Taxibestuurder is deur die bestuurder van ‘n insleepvoertuig doodgeskiet in Van der Bijlpark, wat paramedici sê moontlik 'n padwoede-aanval kon gewees het.
“Een van die betrokke voertuie het voor die ander ingeswaai en die bestuurder van die taxi het na bewering ‘n klip na die voorruit van die insleepvoertuig gegooi,” het Lloyd Krause, woordvoerder vir ER24-nooddienste, gesê.
Die woedende bestuurder van die insleepvoertuig het toe ‘n wapen te voorskyn gebring en skote na die taxi gevuur, waarna die taxibestuurder en ‘n passasier gewond is.
Die taxibestuurder het onderweg na die hospitaal aan sy wonde beswyk en die passasier is in ‘n kritieke toestand.
- Sapa