Taxi slaan aan die brand ná botsing
2010-07-20 17:01
Kaapstad – ‘n Taxi is Dinsdag in vlamme gehul ná ‘n botsing met ‘n bakkie by 'n kruising in Tygervallei, het paramedici in die Wes-Kaap gesê.
“Paramedici was kort ná die ongeluk op die toneel, maar die taxi was reeds in vlamme. Die bestuurder van die taxi was die enigste insittende en kon daarna slaag om te ontsnap voordat die brand ontstaan het.
“Hy het ligte beserings opgedoen en is na die Tygeberg-hospitaal vervoer,” het Tristan Wadeley, ER24-woordvoerder, gesê.
Die bakkie het teen ‘n verkeerslig tot stilstand gekom en die bestuurder was in die wrak vasgekeer. Die bestuurder het slegs ligte beserings opgedoen en wou nie na die hospitaal vervoer word nie.
Die presiese oorsaak van die botsing is nog nie bekend nie.
Volg Nuus24 op Twitter.
- Nuus24