Taxi-huurmoordenaar kry 22 jaar
2009-10-21 16:16
Johannesburg – ‘n Man wat gehuur is om ‘n taxi-baas van Newcastle te vermoor het Woensdag 22 jaar tronkstraf gekry in die hooggeregshof in Pietermaritzburg.
Musawenkosi Sibisi (26) het skuldig gepleit op die moord van die taxi-baas, Stanley Nkosi, in Maart vanjaar.
Volgens Sibisi is hy en nog ‘n man sowat R20 000 betaal om Nkosi te vermoor. Hy het bygevoeg dat ‘n familielid hom aangemoedig het om die daad te verrig. Hy het glo ook nie ‘n werk in Newcastle gehad nie en het gesukkel om sy gesin te onderhou.
Hy en die tweede verdagte het ‘n R5-geweer, asook ‘n pistool ontvang en het Nkosi by die Long Distance Taxi-staanplek doodgeskiet.
Volgens die aanklaer, Andre Ludick, het Sibisi skuld erken toe hy in hegtenis geneem is.
–Sapa