Taxi-bestuurders saai amok weens snelbusdienste
2011-06-17 12:32
Johannesburg - Altesaam tien taxi-bestuurders is Maandagoggend vir publieke geweld in Soweto in hegtenis geneem soos spanning oor die bekendstelling van die volgende fase van die Rea Vaya-snelbusdiens (BRT) gestyg het.
"Hulle het paaie versper,” het Govindsamy Mariemuthoo, die woordvoerder van die Gautengse polisie gesê.
Polisie het Maandagoggend oral op die roetes van die snelbusdienste wag gestaan.
Volgens sommige taxi-ondernemings is dié snelbusdiens ’n bedreiging vir hulle voortbestaan.
Die taxi-vereniging, Utaf het verlede week gesê hulle sal hulle dienste onttrek indien die nuwe busse op die roetes, waarop hulle glo eiendomsreg op het, begin ry.
Sekuriteit is op die Soweto Naledi Johannesburg-spoorweë opgehef nadat brandende bande en ander voorwerpe omstreeks 03:00 Maandagoggend op die spoorlyne geplaas is.
Passasiers op die treine is met klippe bestook.
Sibusiso Ngomane, Metrorail-woordvoerder het gesê die voorwerpe is al uit die weg geruim, maar dienste is met 45 minute vertraag.
BRT-busse is ook oornag verniel.
Metrobus het hulle dienste in die Merafhe-gebied onttrek uit vrees vir gewelddadige voorvalle, het die besturende direkteur, Herman van Haar gesê.
Intussen was duisende pendelaars weens onbeskikbare taxi’s en oorbelaaide bushaltes en treine gestrand.
-Sapa