Tatane-verdagtes weer in die hof

2012-12-10 07:07

Johannesburg – Die sewe polisielede wat daarvan aangekla word dat hulle verantwoordelik is vir die dood van die betoger Andries Tatane sal Maandag weer in die Ficksburg-streekhof verskyn.

Konst. Kabelo Pule, 'n staatsgetuie, het met sy laaste verskyning gesê hy het gesien hoe konst. Mothusi Magano, die tweede beskuldigde, 'n skoot afgevuur het.

Die beskuldigde se regsverteenwoordiger, Johann Nel, het Pule tydens kruisondervraging egter 'n opportunis en leuenaar genoem.

Nel het Pule gevra om die punt in die video te wys waar Magano die skoot afvuur.

Pule was nie in staat om duidelik uit te wys wanneer Magano die sneller getrek het nie, en Nel het beweer Pule praat nie die waarheid nie.

Nel het ook aangevoer dat Pule se getuienis in 'n tugverhoor oor die Tatane-saak, verskil van sy getuienis in die hof.

Tatane is in April verlede jaar in Ficksburg dood in 'n botsing met die polisie.

– Volg Nuus24 op Twitter.

- SAPA