Talle verdrink tydens feesseisoen

2012-12-31 12:23

Johannesburg – Die Nasionale Seereddingsinstituut (NSRI) sê 11 mense het sedert Kersdag landwyd verdrink.

Andrew Ingram, ‘n woordvoerder vir die NSRI, sê 32 mense het die afgelope ses dae in die see in die moeilikheid beland en moes gered word.

RSG berig hy het vakansiegangers gevra om in afgebakende gebiede te swem waar lewensredders diens doen.

Die NSRI se aankondiging kom te midde van die nuus van ‘n tienermeisie wat in 'n swembad by 'n huis in Krugersdorp, wes van Johannesburg, verdrink het.

Sapa berig paramedici het meer as 30 minute lank gespook om die 13-jarige meisie by te bring, maar sy is later op die toneel dood verklaar.

Verdrinkings neem gewoonlik in die feesseisoen toe.

Volg Nuus24 op Twitter