TB dodelikste siekte in SA

2010-11-18 15:34

Pretoria – Tuberkulose is steeds die land se dodelikste siekte, selfs al het die sterftes in Suid-Afrika as gevolg daarvan vir die tweede jaar in ‘n ry gedaal, het Statistiek Suid-Afrika Maandag gesê.

In 2008 was daar 592 073 sterftes, wat minder is as die 603 094 sterftes in 2007.

Volgens Statistiek SA het die sterftesyfer in 2006 sy piek bereik met 612 778 sterftes.

In 2008 was daar 74 863 sterftes wat aan TB toegeskryf kan word, gevolg deur 45 602 sterfgevalle waar griep en longontsteking as die oorsaak van dood aangeteken is.

Siektes waar daar infeksies in die derms voorkom het derde gekom met 39 351 sterftes.

Volg Nuus24 op Twitter


 

- SAPA