Swellendam loop deur onder stakers

2012-11-15 11:15

Kaapstad – Agri Wes-Kaap sê die N2 is aan albei kante van Swellendam gesluit.

Porchia Adams, woordvoerder vir AWK, het aan Landbouweekblad gesê groepe mense is ook besig om voertuie wat werkers wou oplaai, met klippe te bestook. Sy het bygevoeg dat die polisie tans op die toneel is.

Stakers is volgens berigte besig om 'n chaos op die dorp te veroorsaak.

Dit volg nadat betogers ooreengekom het om hul staking vir twee weke op te skort en hulle van geweld en vandalisme te weerhou.

Dié arbeidsdispuut het te make met plaaswerkers se eis van ‘n dagloon van R150.

Volg Nuus24 op Twitter