Swellendam-brand onder beheer
2012-01-14 21:13
Kaapstad – Brandbestryders by Swellendam in die Overberg sê die ergste van die brand wat reeds meer as twee dae in die gebied woed, is verby.
Die brand het vroeër aan twee kante van die berg gewoed, maar aan die een kant is dit reeds volledig geblus.
Reinard Geldenhuys, Overbergse brandweerhoof, het gesê 'n span brandbestryders sal Saterdagaand (vanaand) per helikopter na die top van die berg geneem word om die laaste gedeeltes te blus.
Hy sê plantegroei en plantasies in privaatbesit is afgebrand en sommige huise in die Marloth-natuurreservaat is beskadig.
– RSG.
– Volg Nuus24 op Twitter.