Swaar reën oor naweek verwag

2013-01-18 17:19

Johannesburg – Swaar reën word oor die naweek in ses provinsies verwag, het die Suid-Afrikaanse weerburo gesê.

Ezekiel Sebego, 'n weervoorspeller, het gesê swaar neerslae word in KwaZulu-Natal, Gauteng, die oostelike deel van die Noordwes, die ooste van die Vrystaat, Limpopo en Mpumalanga verwag.

"Vloede is moontlik as gevolg van stygende watervlakke en riviere wat kan oorstroom."

Hy het gesê swaar reën word van Vrydagaand tot Sondag verwag. Swaar neerslae kan in Mpumalanga en Limpopo tot Maandag voortduur.

– Volg Nuus24 op Twitter.

- SAPA