Suzman se huis in die mark vir R12 milj.

2012-08-05 11:41

Johannesburg – ‘n Huis wat aan die politikus Helen Suzman gegee is as ‘n trougeskenk is op die mark geplaas, het mediaberigte Sondag gesê.

Die eiendom in Northcliffe, Johannesburg, is vir sowat R12 miljoen te koop, het die Sunday Times berig.

Suzman se pa, Samuel Gavronsky, het die huis in 1937 vir sy dogter gegee.

Die huidige eienaar, Johnny van der Merwe, het aan die koerant gesê hy het die eiendom 26 jaar gelede gekoop, maar het eers later uitgevind dat Suzman die huis besit het.

Suzman is in 2009 in die ouderdom van 91 dood.

– Volg Nuus24 op Twitter

 

- SAPA