Survivor-man kry borgtog

2010-03-19 14:48

Kaapstad – Molemo “Jub Jub” Maarohanye en sy medebeskuldigde Themba Tshabalala is elk op borgtog van sowat R10 000 vrygelaat, het Times Live berig.

Maarohanye en Tshabalala staar verskeie aanklagte in die gesig nadat hulle glo in ‘n botsing betrokke was waarin vier skoolkinders gesterf het.

Polisie het Vrydag met rubberkoeëls op skoolkinders geskiet wat op ‘n stormloop gegaan het buite die Protea-landdroshof.

Die leerlinge het glo buite die hof betoog en daarop aangedring dat Maarohanye en Tshabalala nie borgtog ontvang nie.

Maarohanye het reeds verskeie doodsdreigemente ontvang.

–Times Live/Nuus24