Suidkus: Vermiste skubaduikers gevind

2012-11-11 14:09

Kaapstad – Die Nasionale Seereddingsinstituut (NSRI) het Sondag gesê nege skubaduikers wat 'n paar uur aan die KwaZulu-Natalse Suidkus vermis was, is lewend gevind, het EWN Sondag berig.

Die skipper van die groep se boot het vroeër om hulp gevra ná hy die groep in onstuimige seetoestande en sterk wind in die water verloor het.

Owerhede van Shelly Beach en Port Edward, sowel as die eienaars van private bote, het na die groep gesoek.

Twee reddingshelikopters is ook gestuur om met die soektog te help.

Craig Lambinon van die NSRI het gesê een van die private bote wat aan die soektog deelgeneem het, het die duikers gevind waar hulle in die water gedryf het.

“Hulle is almal veilig en hulle sal na die NSRI-basis teruggeneem word. 'n Mediese span sal hulle dan assesseer.”

– Lees hier meer.

– Volg Nuus24 op Twitter.