Suid-Afrikaners vrees dié misdaad die meeste
2012-09-27 13:40
Johannesburg – ‘n Misdaadopname het aangedui dat die meeste Suid-Afrikaners ‘n vrees het om ‘n slagoffer van ‘n inbraak te word.
Kefiloe Masiteng, adjunk-direkteur-generaal van Statistieke SA, sê sowat 59,3% van huishoudings dink inbrake is die mees algemene misdaad. Sy was besig om vanjaar se uitslae van die misdaadopname in Pretoria uit te reik.
“Ons het gesinne gevra wat die mees gevreesde tipes misdade is.”
“Huisbraak en rooftogte het uitgedraai om die misdade wat mense die meeste oor bekommerd is, te wees,” het sy gesê.
Die opname, wat na Januarie tot Desember 2011 gekyk het, het bevind dat die meeste huisbrake – 27,5% – snags plaasgevind het. Altesaam 19,8% het smiddae gebeur.
Die aantal huishoudings wat tevrede is met die polisie se optrede, het in vergelyking met die vorige jaar gedaal.
“Ons het ‘n persentasie van 65 in 2010 gehad, maar ons het ‘n 62% tevredenheid in verband met die polisie se optrede [in 2011] gehad...” het Masiteng bygevoeg.
Volg Nuus24 op Twitter
- SAPA
