Suid-Afrikaners vermis in Visrivier-canyon
2011-07-21 18:24
Lauren Hess
Kaapstad – Drie Suid-Afrikaners word vermis in ‘n dorre gebied van die Visrivier-canyon nadat hulle van die res van hul groep vriende verwyderd geraak het.
Die drie was deel van ‘n groep van nege mense, wat twee gidse insluit. Hulle het verlede Woensdag na die canyon vertrek en sou Maandag teruggekeer het.
Volgens Ilonka de Beer van Pretoria het haar ma, René Booyse, en Ricky en Sandra Harmse met ‘n spoor in die Ais-Ais-gebied in die canyon langs gestap met hul vier vriende en die gidse toe hulle op ‘n rots, slegs 13 kilometer van die uitgangshek van die oord, afgekom het.
Volgens De Beer het haar ma en die Harmses besluit om “om die rots” te gaan, terwyl die res oor dit geklim het. Die groepe het op dié punt van mekaar verwyderd geraak.
Sy het gesê die groep het na hul vermiste vriende gesoek, maar kon hulle nie vind nie. Hulle het na die oord – die Ai-Ais Richtersveld Transfrontier Park – teruggekeer en later verder na hulle gaan soek.
Volgens De Beer het sy eers Dinsdag uitgevind dat haar ma vermis word toe sy Transfrontier Park gebel het. Sy het gesê hulle het in dié stadium nog nie eens ‘n reddingsoperasie van stapel gestuur nie.
‘n Reddingshelikopter is vroeër Donderdag ontplooi om na hulle te soek, het sy gesê.
- Volg Nuus24 op Twitter
- News24