Suid-Afrika stuur glo af op ’n ramp
2011-03-04 23:00
Londen – Suid-Afrika is gebrekkig en sal binne die volgende 15 jaar heeltemal uitmekaarval met erger nagevolge as wat nou in Libië gesien kan word.
Só het Toscafund, een van die Verenigde Koninkryk se hoëprofiel verskansingsfondse, Vrydag bekend gemaak.
Die hoofekonoom en vennoot Savva Savouri, wat navorsing gedoen het oor Suid-Afrika se ekonomie, het die emigrasie van professionele werkers en die “tekort aan gesentraliseerde leierskap” hiervoor blameer.
“Die land is sosiaal, polities en demografies gebrekkig en sal binne die volgende 15 jaar nie meer kan funksioneer nie. Dit sal dieselfde pad as die Midde-Ooste en Noord-Afrika stap, maar die nagevolge sal baie meer ernstig wees,” het Savouri hierdie week tydens ‘n onderhoud aan die Reuters-nuusagentskap gesê.
Lees meer hier.
Volg Nuus24 op Twitter.