Student vir selfoon doodgeskiet
2010-01-30 13:49
Kaapstad – ’n Student is Vrydag gedurende ’n gewapende rooftog in Woodstock doodgeskiet, het die plaaslike polisie gesê.
Insp. November Filander het gesê die student is omstreeks 16:00 in sy nek en kop geskiet toe die rower sy selfoon probeer steel het.
Hy het aan die Kaapse Technikon studeer.
"Hy het op die toneel gesterf. Die selfoon was ten tyde die polisie se aankoms steeds in sy hand gewees,” het Filander gesê.
Die verdagte het twee seuns van hul selfone beroof voordat hy vir die student geskiet het, het Filander gesê.
Hy het die toneel gevlug en is steeds soek.
Die polisie het ’n sak van moord en roof oopgemaak.
- SAPA