Student vas wat 200 km/h jaag
2012-01-02 10:32
Johannesburg – ‘n Jong man is in hegtenis geneem nadat hy op Nuwejaarsdag 200 km/h op die N4 buite Brits in die Noordwes gery het.
Volgens die departement van openbare veiligheid het die 22-jarige man ‘n BMW 330i met ‘n Gauteng-nommerplaat bestuur.
“Die verdagte, wat glo ‘n student by ‘n tersiêre instelling is, het ten tyde van die beweerde oortreding saam met sy meisie en ‘n ander paartjie van Sun City na Laudium gery,” het Lesiba Moses Kgwele, ‘n woordvoerder, gesê.
“Hy is by die Brits-polisiestasie toegesluit en sal na verwagting Dinsdag in die Brits-landdroshof verskyn...”
Volg Nuus24 op Twitter
- SAPA