Student buite Pta verkrag toe sy registreer

2013-01-09 08:55

Johannesburg – ‘n Jong vrou is Dinsdagoggend vroeg om die beurt deur vyf mans verkrag toe sy by die Tshwane-universiteit van tegnologie se kampus in Soshanguve – wat sowat 25 km noord van Pretoria geleë is – wou registreer, het die polisie gesê.

“Sy het omstreeks 03:00 saam met vier van haar vriendinne gestap om by die kampus te begin toustaan en registreer, toe vyf onbekende mans hulle oorval het,” het ao. Mathews Nkoadi gesê.

“Hulle het haar na die bosse gesleep en haar verkrag.”

Volgens die polisiewoordvoerder het die mans ook die slagoffer, wat van KwaZulu-Natal afkomstig is, se selfoon en registrasiegeld van R1 000 gesteel. 

Nkoadi sê niemand is tot dusver in hegtenis geneem nie.

Volg Nuus24 op Twitter.

- SAPA