Stiefpa vas ná hy dogter glo verkrag

2012-10-20 09:41

Johannesburg – ‘n Man van Mankweng in Limpopo is in hegtenis geneem nadat hy glo sy 13-jarige stiefdogter verkrag het, het die polisie Saterdag gesê.

Konst. Moses Molepo sê die 48-jarige man het die meisie swanger gemaak.

“’n Familielid het uitgevind dat die minderjarige swanger is en het die polisie in kennis gestel. Ná ‘n ernstige ondervraging het sy erken dat sy deur die verdagte verkrag is,” het Molepo gesê.

Die meisie het aan die polisie gesê dat die verkragtings glo verlede jaar begin het.

Sy het gesê haar pa sou haar verkrag terwyl haar ma by familielede gaan kuier het.

Mediese ondersoeke het bevestig dat die meisie verkrag was en dat sy swanger is.

Die man is Vrydag op ‘n aanklag van verkragting in hegtenis geneem.

Hy sal na verwagting op 22 Oktober in die Mankweng-landdroshof verskyn.

– Volg Nuus24 op Twitter
 

- SAPA