Steeds geen duidelikheid oor Malema-appèl
2012-01-31 20:49
Johannesburg – Daar was Dinsdag nog geen duidelikheid oor die uitkoms van die geskorste leier van die ANC-Jeugliga, Julius Malema, se appèlverhoor, wat ‘n week gelede afgehandel is, nie.
“Ons sal ‘n mediakonferensie hou wanneer dit gefinaliseer is,” het Keith Khoza, ANC-woordvoerder, gesê.
Hy kon nie ‘n datum vir só ‘n konferensie verskaf nie.
Dali Mpofu, Malema se regsverteenwoordiger, het gesê wanneer daar ‘n uitkoms is, sal die media daarvan ingelig word.
“Dit sal op die regte tyd aangekondig word.”
Hy het gesê hy is nie in ‘n posisie om kommentaar te lewer op vrae wat met die verhoor verband hou of met Malema se verwagtinge rakende die uitkoms nie.
Malema en vyf ander senior lede van die ANCYL is in November verlede jaar geskors nadat hulle daaraan skuldig bevind is dat hulle verdeeldheid in die ANC gesaai het en die party se naam in oneer gebring het.
- Volg Nuus24 op Twitter
- SAPA