Man sterf in onluste in Wolseley

2012-11-14 13:25

Kaapstad – Die polisie het bevestig dat 'n 28-jarige man in onluste in Wolseley in die Witzenberg-streek dood is te midde wydverspreide stakings deur plaaswerkers in die Wes-Kaap.

Vyf ander mense is in dieselfde insident beseer, het lt.kol. Andrè Traut in 'n verklaring gesê.

Volgens onbevestigde berigte het die man gesterf ná hy deur die polisie geskiet is. Die polisie het bevestig dat die saak deur die Onafhanklike Polisie-ondersoekende Direktoraat (Opod) ondersoek word, maar het nie nadere inligting verskaf nie.

Die Burger het intussen bevestig dat een van sy fotograwe, Lulama Zenzile, beseer is toe hy foto's by Ashton geneem het. Hy is na bewering in die Robertson-hospitaal opgeneem ná 'n klip hom in die gesig getref het.

Hy is kort ná hy opgeneem is, ontslaan, en is reeds weer op die toneel.

Volg Nuus24 op Twitter