Staking op ys
2010-09-06 16:31
Kaapstad - Die staatsdiensstaking wat die land die afgelope drie weke lamgelê het, is vir 21 dae op ys gesit.
Dienslewering sal in die drie weke lange periode na normaal terugkeer, het Thobile Ntola, president van die onderwysersvakbond Sadtu, Maandagmiddag tydens 'n perskonferensie gesê.
Ntola het dit egter duidelik gemaak dat die staking nie verby is nie en dat vakbonde en hul werkers nog nie die regering se verhogingsaanbod aanvaar het nie.
Staatsdienswerkers sal egter na hul poste terugkeer terwyl onderhandelinge voortduur.
Volg Nuus24 op Twitter.
- Nuus24