Stakers ontwrig vervoerdienste

2013-01-09 08:10

Johannesburg – Stakers het Woensdagoggend in die Wolesley-gebied vragmotors en busse gedwing om terug te draai om te verhoed dat plaaswerkers wat nie staak nie, by die werk uitkom, het die SABC berig.

Hulle het ook 'n pad na 'n nabygeleë informele nedersetting versper.

Intussen het boere in die Hexriviervallei private sekuriteitspersoneel aangestel om hulle eiendom teen stakers te beskerm.

Wes-Kaapse plaaswerkers het laat verlede jaar begin staak, en geëis dat hulle lone van R69 na R150 per dag verhoog word. Hulle het ook op 'n beter grondhervormingsprogram aangedring.

Twee mense is dood en miljoene rande se skade is aangerig in die staking, wat van 27 Augustus tot 4 Desember voortgeduur het. Die staking is daarna afgelas, maar word Woensdag hervat.

– Is jy op die toneel? Laai jou storie of foto's, of stuur dit na [e-mail].

– Volg Nuus24 op Twitter.

- SAPA