Stakers 'kom in vrede'
2013-01-18 12:43
Kaapstad – Stakende plaaswerkers gaan volgende Donderdag in De Doorns aan 'n opmars deelneem om ‘n “beleidsdokument vir vreedsame stakings” te oorhandig,” het die Food and Allied Workers' Union (Fawu) gesê.
“Ons gaan na die polisie en boere om hierdie beleid aan hulle te oorhandig. Ons gaan voort met die staking, maar ons probeer ‘n nuwe beleid,” het Monwabisi Kondile, ‘n winkelassistent van Fawu, gesê.
“Die hele Suid-Afrika dink ons is kriminele, maar ons is nie. Dit gaan nie oor geweld om iets op te los nie. Ons kom in vrede om dinge op te los.”
Kondile sê hul vra steeds vir ‘n dagloon van R150. Hulle is egter bereid om te onderhandel en hulle sal selfs na 'n aanbod tussen R120 en R130 oorweeg.
“Ons wil vrede aan beide kante hê. Ons wil onderhandel,” het hy gesê.
Sowat 3 000 werkers sal na verwagting aan die betoging deelneem wat omstreeks 11:00 Donderdag sal begin. Werkers gaan na die polisiestasie in De Doorns loop.
Kondile sê werkers kan ‘n agterpad gebruik vir die betoging, eerder as om van die N1 gebruik te maak. Die N1 was teen Vrydag nog gesluit weens die betogings.
“Ons wil nie [verkeer op] die N1 ontwrig nie, want dit is ‘n nasionale pad en ons verstaan dit.”
Duisende stakende werkers het Donderdag vir kilometers langs die N1 betoog.
– Sapa het aanvanklik berig dat die opmars Vrydag sal plaasvind. Dié berig is bygewerk om die nuwe datum te reflekteer.
"Daar was verwarring onder ons verteenwoordigers. Maar hierdie opmars sal op 24 Januarie (volgende Donderdag) na die De Doorns-polisiestasie beweeg," het Sandile Keni, 'n organiseerder, gesê.
– Volg Nuus24 op Twitter
- SAPA
