Stakers aan't drink
2009-07-29 15:37
Kaapstad – Vakbondamptenare het hul kommer uitgespreek oor drankgebruik deur vakbondlede tydens ‘n geweldadige betoging deur munisipale werkers in Kaapstad.
Betogers het rommel gestrooi, bottels gebreek en die polisie op Kaapstad-treinstasie met klippe bestook tydens ‘n betoging vir beter lone.
‘n Groep betogers het ook ‘n vuur in die straat begin. Die vuur is egter gou deur vakbondamptenare geblus toe onlustepolisie die groep genader het.
Lede van die Suid-Afrikaanse Munisipale Werkersunie (Samwu) en die Independent Municipal and Allied Trade Union (Imatu) het Woensdag voor die Burgersentrum in Kaapstad betoog vir beter lone.
Die geweld het uitgebreek toe die protesoptrede na Kaapstad-stasie versprei het.
Tony Ehrenreich, Cosatu se Wes-Kaapse sekretaris, het vroeër die groep van sowat 2 000 betogers gevra om nie tydens die protesoptrede te drink nie.
“As jy wil drink, gaan huis toe,” het Ehrenreich gesê.
- SAPA