Stadsrede: PTA se naam waarskynlik op agenda

2012-03-27 12:09

Johannesburg – Die kwessie van Pretoria se naamsverandering sal waarskynlik op die agenda wees wanneer die burgemeester van die Tshwane Metroraad, Kgosientso Ramokgopa, sy stadsrede lewer.

Daar word bespiegel dat hy Dinsdag gaan bekend maak of Pretoria as naam van die hoofstad behoue gaan bly en Tshwane slegs as die naam van die metro-gebied gebruik sal word, het RSG berig.

Ramokgopa het by die vorige raadsvergadering gesê dat alle politieke partye geraadpleeg sal word oor dié en ander naamsveranderings.

Verlede week het die burgemeester met die leiers van opposisiepartye vergader waar 'n kompromie na bewering met die ANC bereik is.

Daar is besluit dat Pretoria se naam so gaan bly, maar dat 27 straatname verander gaan word.

Die stryd oor die stad se naamsverandering het agt jaar lank geduur.

Volg Nuus24 op Twitter