Stad Johannesburg se geld raak min – DA
2011-11-09 13:17
Johannesburg – Die stad Johannesburg word deur likwidasie in die gesig gestaar omdat hy nie genoeg belasting invorder nie, het die Demokratiese Alliansie Woensdag gesê.
"Die stad is op 'n mespunt," het Mmusi Maimane, koukusleier, aan joernaliste in Johannesburg, gesê.
"Dit is grootliks weens die gebrekkige belastingdepartement wat nie kan sorg dat rekeninge korrek gelees word nie."
Maimane het 'n beroep op die stad gedoen om sy belastingdepartement te verbeter en 'n span aan te stel om die uitstaande skuld van R13 miljard in te vorder.
– Volg Nuus24 op Twitter
- SAPA