Staatsrede bobaas op Twitter
2011-02-10 23:15
Kaapstad – President Jacob Zuma se derde staastrede het Donderdagaand derde plek ingeneem as een van Twitter se mees gewilde temas vir die aand.
“So, Suid-Afrika het Twitter vandag oorgeneem. Ons maak altyd ‘n sukses van iets as ons saamwerk. Love dit,” het Keitureid, ‘n Twitter-gebruiker, gesê.
“Ek het Top Billing gekyk terwyl ek die staatsrede op Twitter gevolg het,” het Anatinus getweet.
Die reaksies op Zuma se staatsrede het egter gemengde reaksies op Twitter ontlok.
“Die staatsrede was interessant en heelwat beter as verlede jaar,” het Vuyisile_Sisulu gesê.
WarrenGwilt het egter gesê: “Reflekteer Zuma se treurige toespraak die meerderheid van ons land?”
Twitter-gebruikers was veral in hulle skik met die feit dat die president gereeld in sy toespraak na die sosiale netwerke, Twitter en Facebook, verwys het.
Volg Nuus24 op Twitter.
Kliek hier vir hooftrekke uit president Jacob Zuma se staatsrede.
- SAPA