Staatsamptenare 'moet foute erken'

2012-07-29 16:58

Johannesburg – Obed Bapela, adjunkminister van prestasiemonitering en evaluasie in die presidensie, het gesê staatsamptenare wat weet hulle het foute begaan moet dié foute erken en die poste ontruim.

Bapela het Sondag die regering se Moral Regeneration Movement in Boksburg toegespreek.

"Kom ons bou morele waardes wat sê as ek eendag iets verkeerd doen, sal ek die eerste persoon wees om dit in die openbaar te erken, om verskoning te vra en die pos verlaat," het hy gesê.

"Vandag as ons verkeerd is, gaan ons voort asof niks gebeur het nie."

Hy het gesê die land benodig leiers met genoeg morele waardes om hul foute te erken en wat mense met beter kwalifikasies toelaat om die werk te doen.

– Volg Nuus24 op Twitter

- SAPA