Staat wil Eskom-verhoging stuit
2009-11-19 11:05
Sake24
Die kabinet is op die uitkyk vir maniere om Eskom te help om sy finansieringstekort te oorbrug – sonder om staat te maak op ’n 45%-styging in kragtariewe oor die volgende drie jaar.
“Die regering kyk na bemiddelings om die stygings te verminder en terselfdertyd te verseker Eskom kom sy verpligtinge (om nuwe kragstasies te bou) na,” het mnr. Themba Maseko, kabinetswoordvoerder, aan Reuters gesê.
Maseko het gesê Eskom se versoek, wat
Die kabinet is op die uitkyk vir maniere om Eskom te help om sy finansieringstekort te oorbrug – sonder om staat te maak op ’n 45%-styging in kragtariewe oor die volgende drie jaar.
“Die regering kyk na bemiddelings om die stygings te verminder en terselfdertyd te verseker Eskom kom sy verpligtinge (om nuwe kragstasies te bou) na,” het mnr. Themba Maseko, kabinetswoordvoerder, aan Reuters gesê.
Maseko het gesê Eskom se versoek, wat sterk deur verbruikers en ondernemings veroordeel is, is “te erg”.
Die regering wil hê Eskom moet aanhou met sy kraguitbreidingsprogram van R385 miljard, maar sonder om die ekonomie en mense seer te maak.
“Die regering wil hê die Eskom-program moet voortduur sonder die 45%-styging. Dit sal ’n reuse-invloed op die ekonomie hê en sal inflasie en die lewenspeil van die armes raak.”
Me. Gill Marcus, president van die Reserwebank, het gisteraand op die monetêrebeleidsforum in Pretoria gesê sy verwelkom die feit dat Eskom se beplande tariefverhogings weer bespreek word.
“Dit is duidelik dat daar ’n gesprek in die regering moet plaasvind oor wat die tariefverhogings moet wees. Daar is geen twyfel dat ons tariefverhogings nodig het nie, maar die benadering is belangrik.
“Die Reserwebank sal nie enige spesifieke vlakke van verhogings aanbeveel nie, maar ons is bly dat dit heroorweeg word.”
Eskom het gesê hy sal staatmaak op die tariefverhogings, lenings en staatslenings om sy uitbreidingsprogram te finansier.
In September het Eskom ’n aansoek ingedien vir die tariewe om met 45% per jaar vir die volgende drie jaar te styg of om dit op een slag met 146% te verhoog.
Albei voorstelle is gekritiseer deur ekonome en bedryfsrolspelers, wat meen só ’n styging sal inflasie aanwakker en nywerheidsreuse dwing om dele van hul bedrywighede te sluit.
Eskom berei hom nou voor op ’n wysiging gegrond op gesprekke met die regering en munisipaliteite en sal dié voorstel teen die einde van die maand indien. – Reuters en René Vollgraaff
sterk deur verbruikers en ondernemings veroordeel is, is “te erg”.
Die regering wil hê Eskom moet aanhou met sy kraguitbreidingsprogram van R385 miljard, maar sonder om die ekonomie en mense seer te maak.
“Die regering wil hê die Eskom-program moet voortduur sonder die 45%-styging. Dit sal ’n reuse-invloed op die ekonomie hê en sal inflasie en die lewenspeil van die armes raak.”
Me. Gill Marcus, president van die Reserwebank, het gisteraand op die monetêrebeleidsforum in Pretoria gesê sy verwelkom die feit dat Eskom se beplande tariefverhogings weer bespreek word.
“Dit is duidelik dat daar ’n gesprek in die regering moet plaasvind oor wat die tariefverhogings moet wees. Daar is geen twyfel dat ons tariefverhogings nodig het nie, maar die benadering is belangrik.
“Die Reserwebank sal nie enige spesifieke vlakke van verhogings aanbeveel nie, maar ons is bly dat dit heroorweeg word.”
Eskom het gesê hy sal staatmaak op die tariefverhogings, lenings en staatslenings om sy uitbreidingsprogram te finansier.
In September het Eskom ’n aansoek ingedien vir die tariewe om met 45% per jaar vir die volgende drie jaar te styg of om dit op een slag met 146% te verhoog.
Albei voorstelle is gekritiseer deur ekonome en bedryfsrolspelers, wat meen só ’n styging sal inflasie aanwakker en nywerheidsreuse dwing om dele van hul bedrywighede te sluit.
Eskom berei hom nou voor op ’n wysiging gegrond op gesprekke met die regering en munisipaliteite en sal dié voorstel teen die einde van die maand indien. – Reuters en René Vollgraaff