Springs-ma en kind (2) omgery

2012-08-14 22:07

Johannesburg – ‘n Vrou en haar tweejarige dogter is dood nadat ‘n motor hulle raakgery het toe hulle ‘n pad naby Springs aan die Oos-Rand oorgesteek het.

Die vrou, wat in haar 20’s was, was besig om haar kind op haar rug te dra toe hulle tussen die Osbourne- en Rondebultweg-afritte op die N17 getref is, het Vanessa Jackson, ‘n woordvoerder vir ER24, gesê.

“Die meisie was so erg beseer; daar was niks wat die paramedici verder kon doen om haar lewe te red nie...”

Die kind is op die toneel dood verklaar.

Jackson sê die ma se toestand het agteruitgegaan terwyl paramedici vir ‘n helikopter gewag het. Die ma het gesterf voordat sy na die hospitaal geneem kon word.

Die woordvoerder sê die insittendes van die motor is nie beseer nie.

Volg Nuus24 op Twitter  

- SAPA