Spoedgrens dalk verlaag

2013-01-11 13:39

Johannesburg – Ben Martins, minister van vervoer, sê die vermindering van die spoedgrens op die land se paaie sal vanjaar bespreek word, het Eyewitness News berig.

Martins het die week aangekondig dat meer as 1 400 mense sedert 1 Desember 2012 landwyd op die paaie gesterf het.

“Daar is ‘n aantal kwessies waarna ons sal kyk, soos die verlaging van die spoedgrens in sommige gevalle,” het hy gesê.

Die minister is ook ten gunste van die departement van gesondheid se veldtog om drank-advertensies te verban, nadat dit aangekondig is dat dronkbestuur vir talle van die feesseisoen se ongelukke verantwoordelik is.

Volg Nuus24 op Twitter