Speurder-vriendin help verkragter glo
2012-02-04 07:15
Pretoria – ’n Verkragter is steeds soek nadat sy vriendin, ’n speurder, hom glo twee weke by die tronk uitgeteken het.
Alex Matsobane Maake word as ’n gevaarlike misdadiger beskou, het kapt. Marissa van der Merwe, polisiewoordvoerder, gesê.
Maake (36) het op 19 Januarie ontsnap, ’n dag voor vonnisoplegging nadat het aan verkragting skuldig bevind is. Hy is ook ’n veroordeelde rower en dief.
Sy vriendin, konst. Princess Pumla Mahlangu (37) van die Bronkhorstspruit-polisiekantoor, moet weer later die maand in die Pretoriase landdroshof verskyn op aanklagte van regsverydeling en hulpverlening tot ontsnapping.
Maake het glo ontsnap terwyl hy en Mahlangu rondgery het.
Mahlangu is op borgtog van R5 000 vrygelaat.
– Volg Nuus24 op Twitter
- Beeld