Spelende kinders kom op babalykie af
2011-07-10 23:02
Johannesburg – ‘n Pasgebore baba se lyk, met steekwonde aan die nek, is in die Never Never-informele nedersetting in Philippi-Oos gevind, het die polisie in Kaapstad Sondag gesê.
Volgens kapt. Frederick van Wyk het kinders wat Saterdag omstreeks 14:30 tussen die sinkhuise gespeel het, op die lykie afgekom.
“Voorlopige ondersoeke het getoon dat die babaseuntjie dood is weens beserings aan die keel, wat moontlik deur ‘n skerp voorwerp veroorsaak is.”
Volgens Van Wyk is niemand nog in hegtenis geneem nie. ‘n Saak van moord word ondersoek.
- Volg Nuus24 op Twitter
- SAPA