Soweto-matrieks se slaagsyfer 80%

2013-01-03 13:44

Johannesburg – Soweto se matrikulante, wat vir die laaste twee jaar die swakste gepresteer het, het hul slaagsyfer tot 80% opgestoot.

Soweto loop gereeld deur onder stakings wat 'n uitwerking op skole het.

RSG berig Barbara Creecy, LUR vir onderwys in Gauteng, het bekend gemaak dat die provinsie die beste uitslae het met 'n slaagsyfer van 83,9%. Dit is ook die hoogste persentasie-slaagsyfer in die land sedert 1994.

Sapa berig 'n totaal van 73,9% van matriekleerders landswyd het die skooljaar in 2012 geslaag, het Angie Motshekga, minister van basiese onderwys, vroeër gesê.

Dié syfer is hoër as die 70,2% van leerders wat matriek in 2011 geslaag het.

Volg Nuus24 op Twitter