'Sondagverkragter' weer in hof

2012-07-23 12:15

Johannesburg – Johannes Jacobus Steyn, wat die "Sondagverkragter" genoem word, gaan na verwagting Maandag in die Johannesburgse hooggeregshof verskyn in verband met die moorde van die tieners Louise de Waal en Lazanne Farmer.

Steyn staan ook tereg weens 11 aanklagte van verkragting, 10 van seksuele aanranding en 10 van ontvoering, het die SABC berig.

Hy het na bewering vir De Waal, 'n skoolmeisie van Roodepoort, in Oktober verlede jaar ontvoer terwyl sy op pad skooltoe was. Dit was net voor haar 17de verjaardag.

De Waal se uitgebrande lyk is dieselfde dag op 'n Magaliesbergse plaas gevind.

Steyn het homself die volgende dag aan die Margate-polisie in KwaZulu-Natal oorhandig.

Die 14-jarige Farmer van Elandspoort in Pretoria is in September 2010 ontvoer deur 'n man in 'n bakkie.

Sy is dood nadat sy glo uit die bakkie gespring het in 'n poging om te ontsnap.

Die polisie het gesê Steyn het erken dat hy die "Sondagverkragter" is, maar dat hy nie vir De Waal vermoor het nie.

Hy het glo sedert 2008 'n hele aantal jong meisies in Gauteng en die Noordwes verkrag, meestal op Sondae.

– Volg Nuus24 op Twitter.
 

- SAPA