Sondagverkragter 'siek'; saak uitgestel

2012-08-23 15:50

Johannesburg – Johannes Jacobus Steyn se saak is in die hooggeregshofsitting in die Palm Ridge-landdroshof in Alberton uitgestel.

Regter Sita Kolbe het die saak tot Maandag uitgestel, omdat die beskuldigde siek is. Die verdediging wou ook meer tyd hê om voor te berei.

Steyn staan tereg op twee aanklagte van moord, 11 van verkragting, 10 van seksuele aanranding, 10 van ontvoering, een van poging tot seksuele aanranding, een van poging tot ontvoering en twee aanklagte van aanranding.

Hy het skuld ontken op al die aanklagte teen hom.

Die moordaanklagte hou verband met die moord op twee skoolmeisies, Louise de Waal en Lazanne Farmer.

Volg Nuus24 op Twitter  

- SAPA