'Sondagverkragter' se saak tot 2012 uitgestel
2011-12-13 11:23
Johannesburg – Die man wat in verband met die ontvoering en moord van Louise de Waal gearresteer is se saak is tot Februarie 2012 uitgestel.
Landdros Keith Page het beveel dat die toksikologiese verslag van De Waal se liggaam teen 1 Februarie voltooi moet wees.
Die hof het gehoor dat dit moeilik is om die nadoodse verslag te voltooi sonder die toksikologiese verslag.
Die saak is tot 1 Februarie uitgestel.
Johannes Jacobus Steyn staan tereg op 13 aanklagte van verkragting, 10 van ontvoering, een van moord en ses van seksuele aanranding.
Steyn het De Waal na bewering in Roodepoort ontvoer net voordat sy haar 17de verjaardag in Oktober sou vier. Haar gebrande lyk is later op dieselfde dag van haar ontvoering op 'n plaas in Magaliesburg gevind.
– Volg Nuus24 op Twitter.
- SAPA