Solidariteit staak ook
2011-07-13 18:59
Johannesburg – Solidariteit se 6 000 werkers in die petroleum-sektor sal Donderdag by die landwye staking van werkers in dié sektor aansluit, het die vakbond gesê.
“Inligting dat die uitvoerende direkteure van Sasol in die 2009/10-finansiële jaar 81% meer as in die vorige jaar verdien het, het Solidarideit se lede genoop om by die staking aan te sluit,” het Dirk Hermann, sekretaris-generaal van Solidariteit, in ‘n verklaring gesê.
“Dit is ongeveer 13 tot 21 keer meer as die huidige inflasiekoers.”
Hy het gesê werkgewers is in kennis gestel van Solidariteit se voorneme om by die staking aan te sluit.
Nothemba Noruwana, woordvoerder van Sasol, kon nie kommentaar lewer nie en het alle navrae na die Petroleum-agentskap van Suid-Afrika verwys, wat na verwagting binnekort ‘n verklaring sal uitreik.
Sowat 70 000 werkers in die petroleum-sektor van verskeie vakbonde het Maandag die gereedskap neergelê. Hulle eis ‘n minimum-salaris van R6 000 per maand en ‘n 40-ure-werksweek.
Onderhandelinge duur voort.
- Intussen is berig dat 16 Engen-vulstasies in Johannesburg, twee in Pretoria en een in Durban drooggeloop het.
- Volg Nuus24 op Twitter
- SAPA