Soldate sterf in botsing
2009-11-27 07:41
Johannesburg – Agt lede van die Suid-Afrikaanse Nasionale Weermag (SANW) is Vrydagoggend dood en nog agt persone beseer tydens ‘n botsing in die Vrystaat.
Volgens Chris Botha, Netcare 911-woordvoerder, het drie vragmotors en ‘n SANW-minibus omstreeks 05:00 met mekaar gebots tussen Montrose en Van Reenen op die N3.
“Agt lede van die SANW het op die toneel gesterf,” het Botha gesê.
‘n Swanger vrou, wat ook in die botsing betrokke was, is steeds in ‘n kritieke toestand.
Die oorsaak van die ongeluk is nog nie bekend nie.
–Sapa