Soladiriteit: Porno-besluit 'n wen vir kinders
2010-03-12 23:12
Johannesburg - Multichoice se besluit om nie 'n pornografiekanaal te loods nie is 'n oorwinning vir Suid-Afrikaanse kinders, het Solidariteit Helpende Hand Vrydag gesê.
Helpende Hand se uitvoerende direkteur, Dr Danie Langner, het die "47 000 Suid-Afrikaners wat die kanaal teengestaan het," in sy verklaring bedank.
"Die oorwinning bewys dat elke Suid-Afrikaner 'n stem het en standpunt kan inneem teen besluite wat die morele verrotting van die land teweegbring."
Volgens Langner het Helpende Hand, Solidariteit se gemeenskapsinisiatief, se navorsing 'n duidelike verhouding tussen pornografie en kindermishandeling getoon.
Maatskaplike werkers is ook van mening dat eksplisiete beeldmateriaal 'n belangrike rol kan speel in die wanopvoeding van jong verkragters.
- Sapa