Sokkerspeler se moordverhoor uitgestel
2011-06-01 20:00
Johannesburg - Die moordverhoor waarby die voormalige Bafana Bafana-ster Bryce Moon betrek word, is Woensdag in die landdroshof in Randburg uitgestel.
Moon word aangekla van moord en strafbare manslag. Die aanklagtes hou verband met ‘n motorongeluk wat in 2009 gebeur het.
Moon het na bewering oor Mavis Ncube gery toe hy beheer op ‘n draai in Sandhurst verloor het. Ncube is in die hospitaal dood aan haar kopbeserings.
Moon was op pad huis toe ná ‘n partytjie saam met sy destydse spanmaats van Bafana Bafana.
Sy regsverteenwoordiger, Naren Sangham, het ‘n versoek aan landdros Vince Pienaar gerig dat die verhoor “bespoedig word omdat die professionele sokkerspeler, wat vir ‘n span in Griekeland speel, in Julie moet begin speel”.
Pienaar het geantwoord: “Kom ons kyk hoe ver ons môre en Vrydag vorder.”
- Volg Nuus24 op Twitter
- SAPA