Soektog na vermiste meisie duur voort

2012-12-30 13:01

Kaapstad – ‘n Ma van Khayelitsha sê sy hou aan hoop dat sy met haar vermiste vyfjarige dogter herenig sal word, berig Eyewitness News.

Die soektog vir Lilitha Mgwebi, wat verdwyn het terwyl sy op Kersdag saam met vriende buite haar huis gespeel het, het Sondag sy sesde dag betree.

Lilitha se ma, Abongile, sê sy glo haar dogter sal binnekort terugkeer.

Sy sê die hele voorval het sy tol op die familie geëis.

“My enigste gebed is dat my kind gevind word.”

Ten spyte van uitgebreide soektogte deur die polisie en inwoners is daar nog geen teken van Liltha nie.

– Lees meer by EWN

– Volg Nuus24 op Twitter