Soektog na myner ná 16 ure afgelas

2012-09-22 09:50

Johannesburg – Nooddienswerkers het Vrydag hul soektog na 'n onwettige mynwerker, wat in 'n ongebruikte skag by die Durban Deep-myn in Roodepoort vasgekeer is, afgelas.

"Ná  16 ure van vasberadenheid, moed...en harde werk om 'n afstand van drie kilometer ondergronds te dek...het ons besluit om die reddingsoperasie te staak," het 'n woordvoerder vir die Johannesburgse nooddienste, Robert Mulaudzi, gesê.

"Die redes hiervoor is dat die gebied, waar ons besig was om die soektog uit te voer, al kleiner geword het en dat dit begin gevaarlik raak het."

"Dit is jammer dat ons nie die onwettige myner kon red nie, maar ons voel nederig oor die woorde van waardering wat deur sy familie uitgespreek is," het Mulaudzi bygevoeg.

Volg Nuus24 op Twitter.

- SAPA