Soektog na baba se ontvoerders duur voort

2013-01-10 14:07

Johannesburg – Die polisie is nog op soek na ‘n Pakistanse paartjie wat ‘n ses maande oue babaseun na bewering ontvoer en sy oppasser aangeval het.

“Die pa het gisteraand [Woensdag] ‘n SMS ontvang dat hulle [die ontvoerders] R100 000 vir die baba eis,” het lt.kol. Lungelo Dlamini gesê.

“Daar is steeds geen vordering nie en niks nuut het sedertdien gebeur nie.”

Die paartjie het ‘n kamer in die huis in Bezuidenhoutvallei, Johannesburg, gehuur toe die aanval plaasgevind het. Hulle het na bewering nie verlede maand se huur betaal nie.

Dlamini sê die polisie vermoed die verdagtes het die kinderoppasser probeer vermoor deur haal keelaf te sny en daarna die baba gegryp.

Die baba se pa het die vrou in 'n kritieke toestand gevind, waarna sy na 'n plaaslike hospitaal geneem is.

Volg Nuus24 op Twitter

- SAPA