Ondersoekbeampte in Jub Jub-saak doodgeskiet
2011-12-07 22:16
Johannesburg – ‘n Sleutel-getuie in die Molemo 'Jub Jub' Maarohanye-moordsaak is doodgeskiet, het die City Press berig.
Majoor Moses Segapho, voormalige
stasiekommissaris van die Protea-polisiekantoor, is omstreeks 22:00 Dinsdagaand in die Angola-plakkerskamp in Kliptown,
Soweto, doodgeskiet, het die koerant berig.
Maarohanye en sy mede-beskuldigde Themba
Tshabalala, word van moord en poging tot moord aangekla nadat hulle in Soweto
met hul Mini Coopers in ‘n groep skoolkinders vasgery het.
Die twee was na bewering besig om resies te
jaag.
Volgens ‘n polisiewoordvoerder was Segapho in
die plakkerskamp om ‘n saak te ondersoek.
“Hy was net op pad om uit sy motor te klim, toe
twee gewapende mans hom skiet,” het Luitenant kolonel Tshisikhawe Ndou aan Eyewitness News gesê.
Die verdagtes het tussen die plakkershuise
in verdwyn.
Die is nog nie bekend of Segapho alleen was of
nie.
Volgens Ndou is die motief vir die moord nog nie
bekend nie en niemand is in verband met die saak in hegtenis geneem nie.
Segapho was van die begin af by die Jub
Jub-saak betrokke aangesien hy ten tyde van die voorval die stasiekommissaris van die
Protea-polisiekantoor was.
Volg Nuus24 op Twitter.
- News24