Slagting op paaie duur voort

2012-12-27 10:45

Johannesburg – Die dodetal op Suid-Afrika se paaie sal volgens berigte meer as 1 000 wees.

Die Padverkeerbestuurskorporasie (RTMC) het gesê dié getal kan op 1 100 te staan kom ná nóg 'n bloedige naweek op die land se paaie, het The Star Donderdag berig.

Die RTMC het gesê hy het opgelet dat baie groot ongelukke trompop-botsings is.

The Citizen het berig dat die getal bevestigde padsterftes "meer as 1 000" is.

Dikobe Ben Martins, minister van vervoer, het gesê  die "gru-ongelukke" is meestal veroorsaak deur motoriste wat ander voertuie verbysteek, dronkbestuur, uitermatige spoed, swak weerstoestande en motoriste wat nie 'n veilige volgafstand handhaaf nie.

Beeld het berig dat 1 771 mense tussen 1 Desember en 10 Januarie 2012 op die land se paaie gesterf het en 1 551 mense het die vorige jaar in ongelukke omgekom.
     
– Volg Nuus24 op Twitter

- SAPA